గురువారం, నవంబర్ 01, 2007

ఆంధ్రప్రదేశావతరణోత్సవ శుభాకాంక్షలతో...

ఉ.మిక్కిలి యందమైనదియు మేటియు భారతభాషలన్నిటా
పెక్కుధరాధిపాదులకు పిన్నలపెద్దలయందరిన్ మహా
మక్కువయైనభాష మనమాతృకయై వెలుగొందునట్టిదౌ
చక్కని ఆంధ్రమాతకివె జన్మదినోత్సవ మోదశంసనల్
[అక్క యభీష్టముం దెలిసి తమ్ముడు వ్రాసిన పద్యమిద్దియే].

10 వ్యాఖ్యలు:

Giri చెప్పారు...

..చక్కగ చెప్పినావు కడు చక్కటి పద్యములోన రాఘవా!

బ్లాగేశ్వరుడు చెప్పారు...

అద్భుతమైన పద్యం వ్రాశారు ఆంధ్ర దినోత్సవమహోత్సవానికి

Raghava చెప్పారు...

నిక్కము, యేదియోవొకటి నీవలెగాద తెనుంగుభాషకున్
ఠక్కున పద్యమేకలిగె డస్సిననాల్కకు తీపితేనెలా.

Giri చెప్పారు...

బావుంది,ఇంకొక ఉత్పలమాల తయారయ్యింది..

Raghava చెప్పారు...

"ఠక్కున పద్యమేకలిగె డస్సిననాల్కకు తీపితేనెలా"
కన్నా యీ క్రిందిది బాగుంటుందేమో --
"ఠక్కున పద్యమే కలిగె డస్సిన జిహ్వకు తేనె ధారలా"

ramana చెప్పారు...

http;//nijamga-nijam.blogspot.com

లలితా స్రవంతి చెప్పారు...

నా తమ్మునివై,పద్యములు రాయుటలో అందరికీ అన్నయై ,మన సాహీతీ వారసత్వం నిలుపుటలో పెద్దవై వర్ధిల్లు .......

కొత్త పాళీ చెప్పారు...

బాగుంది .. టపా ఒక ఉత్పలమాల .. వ్యాఖ్యలూ ఉత్పలమాల పాదాలు .. శెబాష్. అల్లసాని పెద్దన గెండపెండెరం గెలవటానికి పదహారో ముప్ఫైరెండో పాదాలతో ఉత్పలమాల (సగం తెలుగులో సగం ఇంగ్లీషులో) చెప్పినట్టు .. ప్రొసీడైపోండి.

కొత్త పాళీ చెప్పారు...

..పొరబాటు .. పెద్దన చెప్పింది ఇంగ్లీషులో కాదు - సగం తెలుగులో సగం సంస్కృతంలో :-)

అన్నట్టు రాఘవ, మరియు ఇతర పద్య ఔత్సాహికులు - గిరి బ్లాగులో నేనిప్పుడే రాసిన ఈ వ్యాఖ్య చదవండి దయచేసి.

Raghava చెప్పారు...

పెద్దలదీవెనలకు కృతజ్ఞతాదరప్రణామాలు.